【同賴弘國⋯】阿嬌突然轉晒口風:幾幸運


以「賴太」身份首次過年的鍾欣潼(阿嬌)今年是首度派結婚利是,問到心情可是很興奮?她笑言:「冇呀,因為要派雙份,不過其實我OK嘅,因為大家收利是嗰刻係開心。」嫁了台灣老公賴弘國的她隨即笑住自爆今年有意派台幣利是:「平時我最平嗰封係50蚊,如果雙份20蚊係咪唔係幾好,但兩份100(台幣)意頭係咪幾好呢?我依家要持家,我有老公要慳錢呀嘛!」

阿嬌率領師弟妹關智斌(Kenny)、洪卓立(Ken)及曾樂彤炮製「翻糖全盒」入面的糖果,包括可愛豬仔及桔仔,祝大家豬年行大運及大吉大利!

但四人製作時趣事一籮籮,不時互相整蠱大家,Ken更整到曾樂彤的桔仔變「柿餅」!大功告成後,賴太即攞出大疊利是出來派,引發一場爭奪戰!

他們表示新年全間公司都會放假,大家會到老闆楊受成家拜年和𢭃利是。阿嬌就話會去度蜜月後會回台灣向老爺奶奶拜年,問到可怕親戚朋友催她生BB?她表示沒有催,之前謂想這兩年生B的她改口風謂今年生都不是壞事:「因為我覺得豬仔幾幸運。(如果生豬仔嘅話依家要開始努力啦喎?度蜜月嗰陣?)隨緣啦,順其自然。」

講到新婚生活,她笑言覺得沒有分別,因為老公都不在香港:「其實都OK嘅,雖然大家各有各忙,但佢係成日都會花時間陪我。」

講到新年願望,阿嬌說:「繼續順風順水,大家一齊開開心心過個肥年,大紅大紫,將我嘅幸福送畀大家!」


Kenny就謂新年會約朋友玩,亦有意之後跟阿嬌一起到台灣:「因為上次做完佢婚禮之後同佢老公friend咗,佢老公話帶我一齊玩。」他又笑言叫埋現時單身的Ken一起去台灣,介紹台灣辣妹給他識,曾樂彤又謂幫手安排相睇,Ken即無視他們:「我新年都係同屋企人親戚食飯。(親戚會唔會問你感情事?)從來都冇喎,因為我會即刻走唔理佢,依家唔係仲問我幾時結婚呀嘛?」

(on.cc)

【同賴弘國⋯】阿嬌突然轉晒口風:幾幸運

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(3184)

Choose A Format
Gif
GIF format