【通一條血管要12萬】270磅劉錫賢塞4條血管:人生最辛苦嘅事


有「肥仔賢」之稱的藝人劉錫賢,今個月初在社交網上載醫院病房照片,並留言:「終於輪到我要通波仔了!」過往半年,劉錫賢多次感到頭暈及身體不適,早前的起心肝檢查心臟,發現其中一條心臟血管栓塞,醫生建議盡快做手術,劉鍚賢亦聽從醫生說話,安排於今日做「通波仔」。

劉錫賢體重一度超過270磅,患有糖尿病、高血壓及高膽固醇等,表示手術後會注意飲食及作息,始終命仔最緊要!

關心他的朋友亦紛紛問候,原來他「大步檻過」。當天他到醫院時,經檢查後醫生稱:「唔使通住!」肥仔賢回覆傳媒稱:「係呀,入去出返嚟,唔使通,依家醫生要我減磅、減壓,依家盡量減肥,出返嚟做嘢,開心吓,多謝大家關心!」

問到現時身體狀況?他說:「減咗10幾磅,依家唔食飯同碳水化合物,同埋有人逼我做運動。醫生本來要我每日行一萬步,不過都要慢慢嚟,自己都行到6千步到,因為有人監察我。同埋之前我成日暈,依家暈少咗,減磅都有幫助。」又透露上次入院大出血,故要努力搵銀。

他今日上新城電台接受訪問,提及早前進行通波仔手術,最後改為減肥方案,最近由270多磅減至263磅,亦開始習慣日行萬步,在頭一個星期「特訓」時叫苦連天:「餓都冇事,但要行咁多真係人生最辛苦嘅事,其他人就以為好簡單,依家夜晚唔食碳水化合物、少食多餐、每餐食酌量、行路咁減。」問目標要瘦幾多磅?他表示如果按照醫生標準來減肥就好「大劑」:「佢想我半年減到40磅以上,係標準嚟,不過佢都唔敢逼我嘅。」不過總算大步檻過。

劉錫賢表示身體出現警號後,黃秋生即時為他推薦有私人營養師:「佢第一時間叫我減肥,畀咗佢助手睇開嘅營養師我去睇,話非常有成效,問佢有冇睇過,佢話呢啲咁難食嘅嘢先唔食。(咁你有冇去搵?)冇呀,哈哈!」

而米雪就教他水煮食物方法,亦有送中藥進補,他十分感謝好朋友關心!

問若減肥成功,心血管閉塞情況可會得以改善?他笑言現時有食藥:「通唔通番就要睇佢自己(血管)。」繼而自爆險做通波仔手術的過程:「真係推到入手術室嗰刻先知原來係塞咗4條支血管,就唔係主血管,醫生話支血管好難通到,同埋佢又為咗我荷包着想,通一條要12萬!又話即使全塞都唔會太大影響、唔會太危險,都係肌肉痛,依家要減磅、減壓!」

 

 

 

 

(綜合報道 / on.cc)

【通一條血管要12萬】270磅劉錫賢塞4條血管:人生最辛苦嘅事

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(6488)

Choose A Format
Gif
GIF format