【兩個仔打爛部電視】兩子之母孫佳君無奈:等於養12隻狗


藝人孫佳君今晚現身銅鑼灣,出席寵物電影的慈善首映場。

問到為何不帶兩個仔過來睇戲?她表示因二人剛開學:「佢哋都好鍾意寵物,都問我點解唔養,我就話『養你哋都好辛苦』,可能等佢哋大個啲先,驚養咗得我照顧。」

她續指現時趁有空檔就裝修屋企,希望趕得切於新年之前完工,問到可有分配時間識男朋友?她打趣話:「養寵物都唔得閒,仲拍拖?拍拖同養寵物一樣都係需要時間,同埋搵到啱自己嘅。」

問到現時可有飼養寵物?她即搞笑自爆屋企有12隻狗:「養我嗰兩個仔等於養12隻狗,一個14歲、一個10歲,破壞力太強,又冇時停,大仔打籃球有成6呎1吋高,成日同細佬打交,個細又喊,唔養狗啦!(唔怪得你咁Fit啦!)成日都要追住佢哋,又要勞氣好慘!」

繼而再爆兩個仔於家中打棒球,「合力」打爛部電視機:「本身以為爆咗1吋冇咩事,一開電視機就冇咗一半畫面,要買過部新。」

 

 

 

 

 

(on.cc)

【兩個仔打爛部電視】兩子之母孫佳君無奈:等於養12隻狗

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(928)

Choose A Format
Gif
GIF format