【真係撻著咗!?】陳家樂陳瀅親身回應…


早前有媒體爆料話陳瀅(Jeannie)同陳家樂疑似拍拖,被拍到撐枱腳食日本菜(相關新聞:https://goo.gl/LGbzLc)。

今日兩位當事人都分別現身公開活動。陳家樂同湯怡、黃秋生、林嘉欣喺新界出席新片《死因無可疑》開鏡禮,為緋聞親身解畫,陳家樂拉埋前緋聞女友湯怡一齊接受訪問,先問到湯怡係咪有甩難感覺?佢笑言:「唔好咁講,只係覺得有啲好笑。」家樂即狂呻:「我就嚟冇朋友,同我食餐飯嘅朋友都好易被人誤會,朋友send message同我講唔同我食飯。」湯怡即接住講:「係呀!唔使再約㗎喇!」

但餐飯好明顯見到陳家樂餵陳瀅食魚生喎?家樂即否認有餵食:「冇餵,係角度問題,應該係讀者揸機角度問題,其實係冇嘅。大家覺得似啫,我唔覺得似嘅。」至於講到坐陳瀅車一齊返屋企,家樂繼續否認:「唔係去佢屋企,佢屋企好近港鐵站,嗰日我冇揸車,佢就車埋我過海,我去地鐵站。咩站就唔好講。」問到係咪同陳瀅拍拖?佢再否認:「梗係唔係啦!我唔諗呢啲,o依家好驚。」驚陳瀅太主動?家樂話:「唔係,o依家好驚,上個禮拜話我同怡姐,今個禮拜同瀅姐,每位都係我合作緊嘅伙伴。」

家樂同陳瀅正拍攝大台新劇《廉政行動2019》,家樂笑指唔會再有朋友,只好自己一個人食飯。不過家樂都讚陳瀅係一位有義氣嘅女仔,呢方面同衛詩雅好相似。湯怡即刻搶住問:「係咪我冇義氣?」家樂笑言:「唔係,陳瀅好有雷氣,我哋係好朋友關係,好似兄弟情,由兄弟跳去情侶好似唔係咁好。」咁究竟陳瀅同湯怡邊個係家樂杯茶呢?家樂直指冇諗自己有咩擇偶條件,因為工作太忙,唔識得諗呢方面嘅問題。

另外,陳家樂喺新戲中飾演保險從業員,佢話以前做過一年保險經紀,所以導演搵佢做呢個角色,同湯怡有少少親熱戲,但有情侶之間嘅爭執,大家價值觀唔同時有拗撬,亦會有正常情侶嘅親熱鏡頭。而湯怡就演大學生,有大小姐脾氣。

至於陳瀅就出席東港城舉行的「IQ博士X珍寶珠聖誕夢幻嘉年華」,Jeannie以粉紅色連身裙出現,她自言這身打扮是配合卡通內小雲最喜歡的「粉紅色米田共」,當然她喜歡的人物都是小雲,而她最想過是一個白色聖誔節。

講到她與陳家樂疑似拍拖,被拍到撐枱腳食日本菜。問到是否要恭喜她拍拖?Jeannie即叫大家冷靜點,她謂:「其實係兩個人一齊收工去食飯啫!」至於為何會她會載家樂回香閨?她謂:「呢個就要解釋清楚,因為家樂冇揸車,佢又過香港,咁我屋企停車場樓下係港鐵站,所以咪兜埋佢轉港鐵囉!」問到家樂是否追求她?她即言:「冇冇冇!」講到二人態度親暱,家樂餵她吃東西?她說:「呢啲只不過係文字上同拍攝技巧,想增強娛樂性啫,冇餵呢樣嘢!(又話同用一隻豉油碟?)張枱上面好多嘢,係角度問題。」問到是否發展中?她說:「因為一齊拍劇加上大家都係單身,所以容易傳緋聞,都親身經歷好幾次。」覺得家樂如何?她就大讚他:「第一次同佢合作,佢畀我感覺係好捱得嘅演員,呢樣係抵讚同欣賞嘅,知佢呢9個月開緊3套劇,同時間都冇乜點夠瞓,都仍然表現得好精神撐住。」

問到是否她的「茶」,Jeannie緊張到將「優點」講成「優處」,她說:「佢工作好勤力,工作人員話我哋樣似兄妹!」又笑言求大家放過:「真係要講清楚,唔想有咩猜測,我哋只係一齊工作啫。」會否嚇怕不敢再撐枱腳?她說:「拍檔一齊食飯係好正常,亦冇必要避忌,同其他劇嘅演員都有食飯架,何廣沛都有㗎,只係冇人影啫。」

(綜合報道)

【真係撻著咗!?】陳家樂陳瀅親身回應…

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(553)

Choose A Format
Gif
GIF format