【我好窮呀】馬國明:我係領住啲盲嘅跑


藝人馬國明出席商場活動,提到月中的無綫頒獎典禮,他自言從來不會估自己奪獎:「視帝我想黎諾懿攞,佢嘅《BB來了》好好,我都想蕭正楠攞,因為佢同我一齊拍《宮深計2深宮計》,但攞獎要講運,我覺得陳展鵬最好運,佢又娶老婆又有小朋友,不過 Ben(袁偉豪)都有機會,佢攞星馬視帝都好戥佢開心。我自己攞唔攞獎冇所謂,我要錢,獎就隨緣,我好窮呀,希望今年多啲活動。」

至於視后,馬國明稱看好陳煒及黃智雯,問到會否支持女友黃心穎?他笑言:「佢提名邊個我就投邊個,我一定支持佢,佢好似係提名女配。」

對於被指是「陪跑王」,他稱沒有因此而不開心,並笑言自己並非陪跑而是領跑:「我係領住啲盲嘅跑,領跑跑得仲快,不過贏咗唔會攞獎,而係畀隔籬嗰個攞,其實邊個攞獎我都開心,大家都係識咗好多年嘅朋友,我之前都攞過好多獎。(好多公司同事想你攞。)多謝,證明我多朋友。(下年開拍嘅《降魔的》續集會出力啲?)都係隨緣,唔會因爲想攞獎就出力啲,而且太出力就過火,但賺錢就可以努力啲,今年巿道唔好。」

(on.cc)

【我好窮呀】馬國明:我係領住啲盲嘅跑

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(215)

Choose A Format
Gif
GIF format