【學陳柏宇瘋狂曬】首PO B仔正面相:鼻大口大似我


兩公婆喺呢一個月多啲嘅日子,都好少貼囝囝啲相,最多都係抱住襁褓中嘅囝囝,或者係爹哋用鼻貼住囝囝面珠嘅相。今次終於曬B仔正面照,佢仲話覺得B仔眼睛似媽咪,鼻同嘴仔似自己。。。

陳智燊(Jason)同宋熙年(Sarah)結婚短短兩年,喺8月尾時一索得男,誕下6磅重囝囝。Jason啱啱再喺ig度貼多兩張B仔相,一張係套腳帶相,一張就係未見過嘅B仔正面。Jason留言話「2018 will always be remembered as when our 2 person family became a family of 3」(2018年,屋企由二人變三人,這一年會牢記。)

Jason今日喺Ig分享咗佢囝囝靚相,眼仔睩睩好可愛,Jason接受《蘋果》電話訪問,佢話:「放囝囝相上網唔抗拒,咁佢出世呢個月,我一直好忙,拍咗兩個廣告,又去咗德國,一直keep住有好多唔同節目同網上宣傳,未有時間去睇番啲相同片,其實囝囝喺醫院返嚟,佢好多得意搞笑相。」

Jason揀咗囝囝剛出世未出院,腳上綁上媽咪人名牌相片貼出,佢話:「當時情景,我見到個牌仔,當然要影,因為都未決定佢個名,但佢係宋熙年個BB,我好感動。」講到囝囝樣貌似爹哋定媽咪,Jason話:「啱啱出世,我覺得佢似媽咪,佢個樣比較細,輪廓好標緻,大吓大吓,佢個樣圓咕碌,鼻大同口大,個樣係似我嘅。好多朋友見過囝囝,話佢似我多啲,但我覺得佢對眼精靈就似阿媽,其他所有嘢似我。」

問到新手爹哋趣事?Jason話:「好攰,今日周一,剛過去個周末,陪月放假,我哋兩公婆相依為命,囝囝起身喊,我哋全完唔知發生咩事,溝通唔到,係咁同佢餵奶、掃風,等佢瞓,起身再重覆,沖涼我反而唔抗拒,囝囝幾鍾意玩水,我唔太驚同擔心。Sarah剛坐完月,佢湊B冇得瞓,所有新手媽媽都係冇得瞓,我戥佢辛苦無奈,夜晚隔幾小時,佢要餵奶,我今日開工,佢等我瞓多啲,我依家明白做媽咪好偉大,除咗要錫Sarah,自己媽咪都要關心同錫佢多啲。」

(蘋果日報)

【學陳柏宇瘋狂曬】首PO B仔正面相:鼻大口大似我

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(652)

Choose A Format
Gif
GIF format