【即時面色一沉】林一峰沉重:我仲未Ready同大家講,多謝大家關心!


歌手林一峰上電台宣傳新歌《出走》及11月中一連六場假香港藝術中心壽臣劇院舉行的個唱,他表示剛與妹妹林二汶前往維也納及馬德里,共兩個星期拍攝ViuTV的旅遊節目:「都曬黑咗,今次去了解當地人生活,同香港人打氣。(順便去散心?)都要。」

問到於旅程期間是否有與妹妹互訴心事?林一峰即大讚二汶是一個好有承擔、好有歷練以及好仁慈的成人,仲連續兩次感自豪地話「佢真係好叻」,又多謝大家如此愛錫她。

至於講到個唱,林一峰報以笑笑表示目的想與大家一齊放低煩惱去一趟旅行、一齊向前看,又指場地較細,可以同Fans近距離接觸。

講到摯友盧凱彤(Ellen)於8月初不幸墮樓身亡,問到為何不出席對方的告別禮?

林一峰即時面色一沉,沉重指:「關於Ellen嘅事,我仲未Ready同大家講,多謝大家關心!呢一刻需要被關心嘅人比我更多,請大家好好生活,多謝你哋。」

問到是否未能接受事實?他說:「依家最緊要嘅係大家珍惜眼前人,呢個世界乜事都可能發生。」然後扯開話題謂:「依家顧住嗰風(山竹)先,希望杏花邨唔好再水浸。」追問到是否已收拾好心情工作?林一峰停頓了數秒接話:「呢個世界雖然好多事情唔可以控制,但係我哋要學習接受,最重要都係對身邊嘅人好啲,大家好好照顧自己。」

 

 

 

(on.cc)

【即時面色一沉】林一峰沉重:我仲未Ready同大家講,多謝大家關心!

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(1517)

Choose A Format
Gif
GIF format