【多謝媽媽】李美慧影大肚寫真:我暫時都未接受到


前港姐李美慧(Vivi)依家佗B八個幾月,日前佢就專誠去咗影孕婦寫真留念,佢喺社交網甫出寫真相,相中見佢着上白色比堅尼同喱士熱褲,大晒豐滿身材同巨肚,並拉埋媽媽及自己養嘅寵物一齊合照。佢亦喺留言提到即使大肚都唔會棄養寵物,並多謝媽媽多年嘅照顧:「大肚也不會『棄養』你們,感謝我的母親『沒有你就不會有我』」。

Vivi接受東網訪問,表示今次大肚寫真選擇同寵物合影,主要係因為想大家唔好掉低寵物:「最近我睇新聞,見有啲人一大肚就棄養屋企嘅貓狗,驚有弓形蟲會影響個胎,咁其實真係好無知,因為貓狗感染嘅過程係好複雜,而且傳畀主人嘅機會係好輕微,反而平時自己食生牛扒嘅細菌可能仲多,所以好想宣揚呢個不棄養嘅訊息。」佢續指自己經歷懷孕過程感受好深,所以想藉住寫真表達母愛嘅偉大,並多謝媽媽十月懷胎誕下她。

另外,提到寫真相非常性感,佢就指都係以健康、正面嘅感覺為主:「好多孕婦影寫真都會全祼,但我暫時都未接受到,頂盡都只係敢着比堅尼加條小短褲,不過可能因為身材豐滿咗,所以出嚟嘅效果都好好。」

(on.cc東網)

【多謝媽媽】李美慧影大肚寫真:我暫時都未接受到

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(180)

Choose A Format
Gif
GIF format