【唯有睇住老公食】懷孕五個月:呢份細心真係拍拖嗰時都未見過


「日日都30幾度,孕婦體溫又比正常人高,我行近影相,老公就好擔心,叫我護肚,佢怕啲鹿會撞到BB,呢份細心真係拍拖嗰時都未見過。」

陀B已五個多月嘅董敏莉(Monie),有見身手仍然靈活,佢同律師老公莊耀金帶家人一齊去大阪旅行,享受Baby Moon。佢哋訂好行程後,大阪曾發生地震,出發前都有想過取消行程,Monie話:「其實每年我都會同家人一齊去旅行,今年就連埋肚入面嘅BB一齊參與。由年頭開始同家人夾時間,點知出發前就有地震,所以都擔心,加上日本熱浪持續,朋友都有勸我不如轉地方,但係屋企人都準備好酒店同機票,見情況有好轉所以照常出發。」

幸Monie有位好貼心嘅老公,出發前已為佢準備「大媽三寶」,即手提電風扇、退熱貼同毛巾,因為Monie肚子開始大,佢老公沿途呵護備至,Monie話一啲都唔辛苦:「當地日日都30幾度,大汗淋漓咁去每個景點,孕婦體溫又比正常人高,我又唔可以飲凍嘢,唯有睇住老公食西瓜、雪糕解暑。」

平日嗜吃日本餐嘅Monie,此行不能吃魚生,佢笑指呢次家庭遊「伙食差」,佢話:「乜嘢都話唔食得,魚生嗰類唔使預我,唯有食多啲生果補數。」

佢哋仲有親親大鹿,Monie話:「我行近影相,老公就好擔心,叫我護肚,佢怕啲鹿會撞到BB,呢份細心真係拍拖嗰時都未見過。」

(蘋果日報)

【唯有睇住老公食】懷孕五個月:呢份細心真係拍拖嗰時都未見過

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(913)

Choose A Format
Gif
GIF format