【兩年抱兩】57歲哈林公開生仔秘方!


庾澄慶(哈林)上月台灣傳媒爆佢將會再做爸爸,當時佢嘅經理人就話無法回應,日前哈林就認咗太太張嘉欣懷了第二胎,今日佢喺台灣出席活動時,就公開佢嘅生仔秘方。

年屆57歲嘅哈林,去年太太張嘉欣為佢誕下一女「哈蜜瓜」,日前佢就承認太太再度懷孕,兩年抱兩,真係可喜可賀!今日佢出席戒煙公益活動,講到生仔秘方,哈林就話戒煙25年神清氣爽,一直「硬朗」到o依家。佢再話:「這種事能教嗎?只有一招就是『戒煙』。」

連同佢同前妻伊能靜所生嘅囝囝,哈林即將迎接第三個小生命,問到佢可需要延遲退休?佢就好坦白咁話自己冇經濟壓力,仲話自己將會停工陪產,至於會否考慮結紥?哈林就話:「 等塵埃落定再來研究。」已有一仔一女嘅哈林,被記者問到今胎BB嘅性別,佢就大賣關子:「暫時不方便告訴大家,反正(生肖)屬狗。」

被問到1歲多嘅囡囡「哈蜜瓜」會講些什麼話?哈林話:「只會叫爸爸。」至於大仔小哈利知道家中再添新成員,哈林話囝囝都替佢感到驕傲,並透露小哈利好有藝術天份,經常送畫作俾佢,仲好開心話阿仔送乜俾佢都好。今日係台灣父親節,哈林話打算做完運動,就會一家人喺屋企食飯慶祝,避開人潮喎!

(蘋果日報)

【兩年抱兩】57歲哈林公開生仔秘方!

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(1402)

Choose A Format
Gif
GIF format