【臨盆在即李蘊挺巨肚到賀】新手媽咪親力親爲:依家要睇跌打


眨吓眼,BB就出世3個月,佢同老公陳子敏日前幫BB搞咗百日宴,成個會場都係粉紅色汽球,兩公婆肉緊攬實囡囡切蛋糕。而差唔多臨盆嘅李蘊,挺住巨肚,帶埋囡囡出席。

媽咪產後母乳餵哺,BB大得好快,百日宴內,都好乖任人抱,她今日接受《蘋果》訪問時話:「貝貝好合作,好乖,全程眼望望,又望實鏡頭,即使遲咗飲奶都冇嘈。」

劉欣宜話好享受親子樂:「貝貝好鍾意笑,佢鍾意人同佢玩,我同老公會同佢講故事書,雖然佢未必識,畀佢睇吓啲圖畫,等佢慢慢大啲去理解,多啲親子關係,我哋又同佢去吓街,曬吓太陽。」劉欣宜話坐完月都努力修身,佢話體重重有幾磅就追番未生之前,佢目標係110磅左右,新手媽咪劉欣宜親力親為湊女,搞到有「媽咪手」:「抱佢用錯力,扭傷咗,右手手指骨歪咗,依家要睇跌打。」

29歲嘅「E Cup Baby」劉欣宜,由o靚模轉行做空姐,今年4月30日為音樂人老公陳子敏誕下重6.7磅囡囡陳思貝,乳名貝貝,英文名叫Bellza。

有女萬事足嘅老公陳子敏,噚晚facebook貼圖後留言:「衷心感謝各位親戚朋友們,百忙中都抽時間嚟參加貝貝百日宴,同我哋一齊分享呢份喜悅,雖然貝貝全程都未知發生咩事,但真係招呼唔到呀,呢個日子對我哋嚟講好有意義,可以見到大家我哋真係好開心呀,多謝大家對我哋一家嘅愛,希望大家身體健康。」

 

 

(apple daily)

【臨盆在即李蘊挺巨肚到賀】新手媽咪親力親爲:依家要睇跌打

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(557)

Choose A Format
Gif
GIF format