【被爆欠租兼提早退租?】陳展鵬有哂證據…


無綫視帝陳展鵬被爆出是非,有指他去年在將軍澳以三萬元租金租住一個八百多呎高層單位,有所謂蒙面業主爆料指展鵬單方面提早退租兼欠交一個月租金,事後業主收樓時發現地板變黑發霉,冷氣內有釘,亦一直聯絡不到展鵬母子。

 

地板一早就撬起咗

展鵬接受東網獨家訪問,並提供證據逐點作出反擊,他說:「第一,其實幾個月前已經Send咗地板條片畀業主,當時已經撬起晒好危險,希望佢整番,但佢一直拖,冇搵人處理。」按常理推斷,相信沒有租客會自己撬起屋企地板。

展鵬更指母親因地板問題在家中發生意外:「有一日我媽咪喺屋企因為咁Kick親撞親個頭,要入深切治療,住咗好耐醫院,當時我要出埠工作,我媽咪處理唔到呢件事,所以先交畀助手處理,助手亦都有啲嘢透過管理處做一啲交收,絕對唔係唔見咗人,而且係我先通知業主個地板有問題,一開始住已經有少少問題,唔係我哋住到咁。」

冬天都冇熱水用

關於冷氣問題,展鵬表示冷氣已經壞了一段時間,業主曾搵師傅維修:「至於點解有粒釘?我都唔知,我唔會自己撬開佢吖嘛!」他又指單位入住不夠一年已甚多問題,熱水爐亦已壞了一段時間,母親在冬天都沒有熱水用,但業主一直沒有正視。

此外,有關拖欠租金,展鵬表示是雙方有共識的協議,而且有WhatsApp對話證明,如該所謂蒙面業主屬實,可以找律師處理。

(on.cc東網)

【被爆欠租兼提早退租?】陳展鵬有哂證據…

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(1139)

Choose A Format
Gif
GIF format