【身體力行教仔】應采兒:我要個仔知道,要識得…


陳小春上年帶埋個4歲大嘅囝囝Jasper,去參加大陸綜藝節目《爸爸去哪兒》第五季,結果佢Jasper因為好精靈可愛,啲觀眾好鬼鍾意佢個仔,搞到廣告商係咁打佢仔主意,o依家Jasper喺大陸人氣依然好勁。

不過佢阿媽應采兒教仔有一套,只想個仔明白幸福唔係必然,要佢知道永遠保持一顆善良嘅心,所以噚日應采兒就帶咗Jasper去深水埗探訪獨居老人,佢親手派米之餘,仲表演埋跳舞,o氹到班公公婆婆不知幾高興。

傳媒問過應采兒,問佢點解會帶個仔去派米?佢話:「我噚日帶個仔去深水埗探訪獨居長者,一方面係幫長者Check下平安鐘有冇壞,另方面係想Jasper感受下幸福非必然,要小朋友明白仲有好多人生活好困難,Jasper陪老人家傾下偈之餘,又表現跳舞,o氹到啲公公婆婆笑得好開心。我要個仔知道,要識得回饋個社會。我睇到佢自己係好開心去做呢啲嘢,好自發性拎啲米俾婆婆。」

應采兒 (最右)滿意Jasper表現!

好多大陸網民知道Jasper咁乖仔,都大讚佢:「和媽媽一起去做好事,真乖!正能量,善良的一家人!」「真的是好孩子!好事就要從小做起!哇,家教太好了,怪不得Jasper這麼懂事!一家人都好善良啊!」

陳小春同應采兒教子有方,想個仔知道幸福唔係必然。(資料圖片)

 

 

 

(apple daily)

【身體力行教仔】應采兒:我要個仔知道,要識得…

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(1724)

Choose A Format
Gif
GIF format