【好大膽】焗古天樂合唱《男朋友》 :人生有咩癲得過咁!?(有片睇)


 

 

 

 

 

如果J.Arie佢地無主動上載短片,本來,應該係只得場內人知嘅。(J.Arie Facebook)

人一世物人世,可以不顧一切同班朋友瘋狂一番,將來諗起都絕對係美好回憶。呢晚電影工作者總會春茗於尖沙咀舉行,J.Arie、小肥、王梓軒等擔任表演嘉賓上台獻唱助慶,其中一首曲目竟然係應屆演藝人協會會長古天樂,當年嘅經典金曲《男朋友》!好大嘅膽呀!

電影工作者總會春茗呢晚於尖沙咀舉行,一眾演藝人齊齊出席。(黃國立攝)

今年初古天樂當選最新一屆演藝人協會會長,肩負維護藝人嘅重任,佢除咗係演員,仲係電影公司及經理人公司老闆,當然啦大家絕對唔會忘記,佢曾經仲係一位歌手。呢日電影工作者總會春茗上,J.Arie、小肥、王梓軒等擔任表演嘉賓,本身唱緊《月亮代表我的心》,唱到中段王梓軒話:「古會長喺邊呀?呢首歌係佢唱架噃,歡迎呢首歌嘅原唱,古生。」

J.Arie、小肥、王梓軒等擔任表演嘉賓上台獻唱助慶,本身係唱緊《月亮代表我的心》。

唔知呢一Part係咪事前有綵排過,古天樂聽到佢地叫名,就喺席間起身行上舞台拎起支咪。點知,一上到台《月亮代表我的心》音樂就停,再響起時就變成「回答我可不可以暫時讓我講出感覺後……」古仔個表情瞬間凝固,本身好近口邊嘅咪緩緩放低,眼神望住唱到好high嘅幾位似笑非笑,真係心都寒埋。幾位歌手愈唱愈high仲叫大家「Push your hands up」,古仔敵唔過盛意拳拳最終都唱咗兩句。

聽到台上點名,古天樂自動就起身拎咪上台,呢part似乎有預先夾過。(影片截圖)
古天樂一上到台,音樂由《月亮代表我的心》開始慢慢轉歌。

聽到佢地開始唱《男朋友》,古天樂即刻凝固咗,將手上嘅咪放低。(影片截圖)

事後王梓軒上載短片留言話:「有請 #殺破狼貪狼 主題曲 #月亮代表我的心 及經典歌曲 #男朋友 原唱 #古天樂 先生上台!!」而J.Arie激動表示:「人生有咩癲得過,喺古天樂古先生面前,大大聲聲唱佢既金曲《#男朋友》好爆……真係好爆,因為從來冇人夠膽係佢面前唱多謝我既No.1偶像古生!!!」更上載一張合照,睇嚟真係相當盡興。

敵唔過全場人起哄,古天樂最終都有係咁易唱幾句,好正呀﹗

任賢齊都聽到好投入呀。(影片截圖)
(HK01)

【好大膽】焗古天樂合唱《男朋友》 :人生有咩癲得過咁!?(有片睇)

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(3765)

Choose A Format
Gif
GIF format