【連老爺都⋯】吳若希確係掂!


歌手吳若希(Jinny)到銅鑼灣出席活動,模仿卡通人物大擺甫士,又與粉絲玩遊戲。受訪時提到女兒4月就1歲生日,她指到時老爺、奶奶會由澳門來港,全家人影全家福,又透露已跟老爺、奶奶提出要搬回香港:「囡囡遲啲會喺香港讀書,老爺、奶奶都覺得香港嘅教育同師資好啲,佢哋可能遲啲都會搬過嚟,搞緊車牌問題,港珠澳大橋通咗就會一齊搬過香港。」

留意自己報道

Jinny笑言發現了老爺是自己粉絲,冇意間在對方的家發現自己的報道,又試過聽到他大聲唱自己的歌:「全部都啱音,有音樂天分!(畀你見到就唔敢唱?)佢好冷靜,同我老公好似,唱完一句《那年花開月正圓》首歌就會收聲,若無其事行去餐枱食飯。我話我會同周柏豪拍劇集《多功能老婆》,老爺表情冇乜嘢,但感覺到佢好開心,好好笑!」

期待同千嬅合作

至於同劇的楊千嬅,Jinny指對方很久沒拍劇,很開心有機會合作,不過自己跟柏豪的對手戲較多:「希望畀人覺得我真係做嘢,好多人都覺得我唔憂做,但我想盡好自己責任,成為我個女嘅榜樣。」問到可會少了時間照顧女兒?Jinny指一日只有一組戲,將於5至8月開拍:「時間都就到。(老爺會嚟探班嗎?)我唔知喎!不過佢哋老人家好低調,唔會出現喺我身邊,但會默默支持我。」

(on.cc東網)

【連老爺都⋯】吳若希確係掂!

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(1652)

Choose A Format
Gif
GIF format