【估你唔到窩】基仔曾經同佢攬到實一實 女主角竟然係 …


唔少網民都鍾意翻Loop歌手昔日嘅MV作回顧,除咗討論歌手嘅唱功之外,另一亮點莫過於藝人當年嘅樣貌同造型!而呢日就輪到古巨基(基仔)嘅經典金曲《愛與誠》,相信唔少人都一定識唱「做隻貓~做隻狗~不做情人!」啦,但係大家又有冇印象呢個MV嘅女主角係邊個呢?竟然就係早年兩度奪視后嘅胡定欣。

話說呢日胡定欣喺社交網上載咗兩張同古巨基及林峯嘅合照,留言預祝基仔演唱會成功,同時仲話好耐冇見,對上一次合作就係拍《愛與誠》MV。時光飛逝,數數手指,兩隻手都數唔晒,原來至今已經相隔14年!唔少網友話呢首歌真係好經典,仲即刻Post番個MV出嚟回顧,個個都話所有回憶返晒嚟!

靚樣冇變過

14年前嘅胡定欣眉清目秀,仲紮住當年流行嘅「公主辮」,非常之Young!基本上除咗髮型之外都冇咩變過,靚樣冇走樣,依舊保養得宜,網民仲讚佢愈來愈有女人味添!至於演技方面,14年前嘅胡定欣都唔弱,雖然唔多空間發揮,加上拍攝嘅係MV,所以對白唔多,淨係得最尾嘅「咁一分鐘之後呢?」,但係憑住嬲怒、傷感同甜蜜眼神,足夠冧爆粉絲們,仲話偶像多年嚟語氣同態度都冇變過,十年如一日!

網民有話兒
SxxxT xV:有没有人跟我一樣現在才知道是胡定欣 哈哈哈
Sxxx W:竟然是胡定欣。。。漂亮
wexxxxxxm:記得啊!!MV個造型好靚
caxxxxxxay:當然記得那個MV,期待你更多的演出
baxxxxxxxxxxxxxxrry:方力申的《大方》都是你

胡定欣話佢好耐冇見基仔啦!

女主角竟然胡定欣。

交晒戲!

係咪回憶返晒嚟呢?

「做隻貓~做隻狗~不做情人!」當然經典啦!

有唔少親密相。

胡定欣同依家個樣都咩點變。

基仔親自拍上陣拍MV。

仲有攬攬。

Keep到喎!
 (東方日報)

【估你唔到窩】基仔曾經同佢攬到實一實 女主角竟然係 …

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(813)

Choose A Format
Gif
GIF format