【亞視翻拍《英雄本色》】吳雨暗示陳偉霆難搞:今時唔同往日…


徐小明今日以香港電視專業人員協會會長身份,喺尖沙嘴出席「電視世界2018」記者會,同場仲有亞洲電視數碼媒體有限公司行政總裁吳雨。徐小明指亞洲電視係協會嘅顧問委員,但之前因爲被取消廣播牌、被清盤,如今吳雨領軍再嚟,所以協會向吳雨送上心意卡,希望對方帶領亞視重新啟航、一帆風順。

對於亞視早前有意重拍《英雄本色》電視版 ),吳雨透露始終由電影變為劇集,內容要強化,篇幅肯定唔同,所以劇本要做得好好:「演員方面,國內演員好貴,吓吓都要過億,但有好嘅演員係奠定咗成功一半,亦要有好嘅導演同監製。」

徐小明代表協會送上心意卡俾吳雨!徐小明話負責李菁嘅殮葬費係小小心意。

既然預計需要咁高資金,倒不如搵番周潤發拍?吳雨笑住話:「唔知㗎,任何嘢都可以發生,錢解決到唔係乜嘢,最重要係演員檔期,正如我同陳偉霆咁熟,以前問佢乜都拍,0依家都要等等,因為佢有太多劇本,怕揀錯,咁又難怪佢嘅,又或者用晒新人博一鋪;亞視未來方向係一年拍一套大劇,其他就細劇。」講到邵音音早前指徐小明、林青霞及「仙姐」白雪仙負責有「娃娃影后」之稱嘅前邵氏當紅女星李菁所有殮葬費(新聞,徐小明稱:「呢啲係我些微心意,當年我做武師已經識李菁姨,但一路冇往來,冇私交。」至於是否已辦妥認屍手續?徐小明稱需要直屬親人才可以辦理,亦未知李菁喪禮幾時舉行。

(蘋果日報)

【亞視翻拍《英雄本色》】吳雨暗示陳偉霆難搞:今時唔同往日…

log in

Captcha!

reset password

Back to
log in

喜歡我們的文章嗎?按個讚吧!

關 閉 視 窗

(693)

Choose A Format
Gif
GIF format